今日早上7點就起左床，因為覺得窗外好吵。坐起身，發覺文鋒都醒左，但LULU似乎沒醒，所以探個頭出去望下下鋪的她，鬼知反而嚇親她，呵呵。一齊起身去洗漱一番，執下野就又8點拉。于是出去出面的服務臺拿早餐吃。只見服務員拿出一碟西式早餐，有三片法國面包、三小塊西瓜加杯齋啡。見到呢種早餐，覺得好意外，但既然是免費的，5吃白5吃。響面包度涂左D草莓漿，杯咖啡度加左糖就同LULU、文鋒出去露天陽臺吃。昆明的第一餐早餐就是甘，勉強可以接受。

等服務員收拾好餐具,我地就狂拍駝峰,狂拍完后就番房執野退房.將行李寄存響駝峰,我地就出發去昆明一日游的第一站——大觀公園。坐4路車去到大觀公園買左票，當然就是響門口影番張拉。大觀公園的荷花好多，我地無上大觀樓，但響樓前合影，而且響樓前的大缸扔硬幣。我同文鋒都扔中左虎嘴，而LULU的運氣就真是咋左D，扔左三次都5得，嘿嘿。后來我地去左游戲區，坐搖頭飛椅，中去逛雕塑群。逛完公園我地就去買左D明信片寄番廣州。

從大觀公園出黎，我地猶豫左好耐，終于決定左去海埂公園。幾經艱辛，不恥下問，兜兜轉轉先去到海埂公園。雖然早就知道滇池已受嚴重污染，但去到，卻依然被滇池所震撼。滇池的水好“綠”，綠到好似是用化學染料染的一樣。風從湖面吹過來，帶住一陣難聞的味道。走響岸邊，湖水踏浪而來，濺起一滴滴的綠色“毒藥”，令我對它敬而遠之。逛左成日，下午5點幾的時候去左建新園吃湯雞過橋米線。建新園的湯雞過橋米線無響網上見到的橋香園的8蚊的過橋米線的料多。但食起身都是不錯的。

食完晚餐我地就番駝峰拿番行李去南窯汽車站。同阿銀阿材會合，一齊起麗江。我地坐的是臥鋪車，110蚊/人。剛上車，好興奮，因為第一次坐長途臥鋪車。一路上公路凹凸不平，車顛簸得好犀利，而且我地系車尾的床位，所以我一直都訓5著。中途，訓5著的時候發現窗外滿天星斗，好靚。記憶中好耐無見過甘靚的夜空拉。天空是甘開闊，星星是甘明亮。但我依然訓5著，因為冷風響窗邊5停甘吹入黎，我依家先領略到早晚溫差大響云南是咩意思。成晚訓5著，凈是希望聽日可以早點到麗江。